第49回｜明弃暗取攘窃蒙赃，外亲内疏图谋… (第2/3页)
。今朝我交代仔无（女每），无（女每）收作去，耐要自家有淘成点末好。再拨来姘头骗仔去，耐要吃苦个囗！耐几个老姘头，才是夷场浪拆梢流氓；靠得住点正经人，一个也无拨。我眼睛里见末，勿晓得拨俚哚骗仔几花哉！我个物事，幸亏我捏牢子，替无（女每）看好来浪，一径到故歇，勿曾骗得去。倘然来哚无（女每）手里，故欧也无拨个哉。我末做仔四五年大生意，替无（女每）撑仔点物事，原有今朝日脚，无（女每）面浪总算我有交代。该搭事体我完结哉，倒是无（女每）个无淘成，有点勿放心。我去仔，再有啥人来说耐嗄！耐末去听仔姘头个闲话，勿消四五年，骗仔耐洋钱，再骗耐物事，等耐无拨仔，让耐去吃苦。耐力仔姘头吃个苦，阿好意思教人照应点？耐也无拨面孔去说（口宛）！”一席话，说得黄二姐无地容身，低下头去，拨弄手中一把钥匙。子富但微微的笑。
翠凤又叫声“无（女每）”，道：“耐（要勿）怪我多说多话，我是替无（女每）算计。我赎身末赎仔出去，我个亲人单有耐无（女每），随便到陆里，总是黄二姐哚出来个囡仵。无（女每）好，我也体面点；勿好，大家坍台。无（女每）样色样才无啥，做生意蛮巴结，当个家蛮明白，就是来里姘头面浪吃个亏。我为仔看勿过，说说耐。难下去我也匆好说个哉。耐要自家有淘成，五十多岁个年纪，原像仔先起头实概样式，做出点话靶戏拨小干仵笑话，我倒替耐难为情。”
黄二姐听了，坐着不好，走开不好，渐渐涨的满面鲜红。翠凤不忍再说下去，乃更端道：“我说耐故歇就拿一千洋钱买个把讨人，衣裳、头面才有来浪，做点生意下来，开消也够哉。再歇两年，金凤梳仔个正头，刚刚接下去，故末再好无拨。珠凤生来无用场，倘忙有人家要末，倒让俚好场花去罢。金凤阿有啥说嗄，定归是挨一挨二个时髦倌人；就说勿时髦，抵桩也像仔我末哉（口宛）。无（女每）依仔我，是无（女每）福气。”
子富连连点头，叉口道：“故倒是正经闲话，一点勿差。”翠凤道：“价末起先头闲话阿是说差哉？”黄二姐因而插嘴道：“才是好闲话，陆里有差嗄！”说罢，起立徘徊，自言自语道：“俚哚该应来快哉，我下头去等来浪。”遂拨转头，径归楼下小房间。
翠凤在后手指黄二姐脊背，低声向子富道：“耐看俚，越说俚越是个厚皮！难我说过仔勿说哉，俚要去吃苦，等俚歇。”子富道：“俚做老鸨苦恼。拨耐埋冤煞，一声也匆敢响。”翠凤道：“耐说哉囗，七姊妹沟里阿有啥好人！倪要做差仔点，拨俚打起来要死。”子富道：“我勿相信。”翠凤道：“耐勿相信，看诸金花。俚哚七姊妹，我碰着三个人。诸三姐比仔倪无（女每）好得野哚，就不过打仔两顿。要是倪无（女每）个讨人，定归要死勿死，要活勿活，教俚试试看末晓得哉。”
子富笑而不语，翠凤叹口气道：“（要勿）说是倪无（女每），耐看上海把势里陆里个老鸨是好人！俚要是好人，陆里会吃把势饭！再有个郭孝婆，耐也晓得点哉（口宛）。故歇自家元拨讨人，再要去帮诸三姐打个诸金花，耐说阿要讨气！”
不料翠凤说话之间。突然楼梯上一起脚声，跑上三个人，黄二姐前引，帐房先生后随，直往对过金凤房间。子富怪诧问故，翠凤摇手悄诉道：‘寸是流氓呀，倪赎身文书要俚哚到仔末好写（口宛）。”子富见说，放下窗帘。翠凤惟令珠凤过去应酬，不许擅离。金凤竟不过去，怔怔痴坐，不则一声。子富视其面色如有所思，拉近身边，亲切问道：“阿姐去仔，阿冷静嗄？”金凤攒眉寒泪而答道：“冷静点是勿要紧。我来里想：阿姐去仔，就剩我一干子做个生意。房钱、捐钱，几花开消！忙煞我也无拨几台酒、几个局。无（女每）发极起来，故末要死哉！教我再有啥法子嗄！”翠凤一听，“嗤”的笑道：“耐故歇做生意来够开消仔，无（女每）要发财哉！”子富也笑慰道：“耐放心，无（女每）陆里来说耐！珠凤比耐大一岁，要说末先说俚。”金凤道：“俚乃生来无拨主意，倒也无啥。我是无（女每）一径来浪说：‘难末生意该应好点哉。’阿姐也实概说。陆里晓得该节个帐比仔前节倒少仔点。”翠凤道：“耐末（要勿）去转啥念头，自家巴结做生意好哉。”子富也道：“耐要记好仔阿姐个闲话，故末无（女每）喜欢耐。”
黄二姐适从对过房里踅来，听得“无（女每）”两字，问说甚话。翠凤为述金凤之言。黄二姐顺口赞道：“好囡忤，倒难为俚
（本章未完，请点击下一页继续阅读）